2015-жылы 8-июнунда Тажикстандын Улуттук китепканасында «Аялдар жана суу» аттуу эл аралык форум өтүүдө. Бул иш-чара «Турмуш үчүн суу» эл аралык он жылдыгын ишке ашырууга арналган Эл аралык жогорку деңгээлдеги конференциянын алдында уюштурулду, конференция 9-11-июнда Душанбеда өтөт.
Иш-чара Тажикстандын Өкмөтүнүн Үй-бүлө иштер, аялдар жана дин боюнча комитети тарабынан Европа реконструкциялоо жана өнүктүрүү банкы, Oxfam, UN Women, Глобалдык суу өнөктөштүгү жана Суу үчүн аялдар өнөктөштүгү сыяктуу өнөктөштөрдүн консорциуму тарабынан уюштурулууда. Кыргыз Республикасынан Адам укуктары боюнча өкүлдүн кеңсеси, Борбордук Азиядагы суу жана санитария альянсы (CAAWS) жана «BIOM» Экологиялык кыймылынын өкүлдөрү катышты. Кездешүүнүн негизги максаты аялдардын табигый ресурстарды башкарудагы ролун жакшыртуу боюнча диалогду улантуу. Докладчылардын баянында аялдардын суу жана ылайыктуу санитарияга жеткиликтин жоктугунда көбүрөөк тобокелдикке дуушар болушу белгиленди. Сууга жеткиликтин жоктугунда аялдар үйгө суу алып келүү жоопкерчилигин алышат. Кыргызстандын ЭД BIOM тарабынан жүргүзүлгөн изилдөөсүнө ылайык, 633 айылдык суу колдонуучулардын уюмдарынан болгону 38и аялдар тарабынан жетектелет. Форумдун күн тартибинде аялдар, суу жана экономикалык өнүгүү, аялдар менен эркектердин чечим кабыл алуу процессине тең катышуусу, ошондой эле 2015-жылдан кийинки мезгилге карата Программанын приоритеттери сыяктуу маселелер каралууда. Кошумча маалымат үчүн, Ана Кириленко, ЭД BIOM, annakir7@mail.ru менен байланышыңыз.
